طيزي وكرسي البلاستيك – الفصل الخامس

اليوم، انا عمري ٢٤ سنة بغض النظر عن الشهور(المهم الفكرة) طبعا هلقيت بما اني خلصت جامعتي وبتفوق ومعنديش واسطة عشان اشتغل زي باقي الناس، احوشلي قرشين وابوي يساعدني شوي وبعون الله نلاقي بنت الحلال وننستر. بس بما انه معنديش واسطة وبالتالي ولا اشي من كل الكلام هادا راح يتحقق فخلوني احكيلكم شغلة.

هلقيت زي ما هو معروف، الناس بتتجوز (على اساس اني قدمت معلومة جديدة متلا- ما علينا) طبعا بعد ما يكون الواحد موظف في مؤسسة خاصة او حكومية بواسطة من غير واسطة مش مشكلة المهم انه بيوصله راتب اخر الشهر.طبعا لما يروح الغلبان يشوف بنت الناس هادا طبعا بعد الكم الهائل من الاسئلة المتعلقة بوضع العريس المادي وقدّيش جيبته بتخرخش. لانه نكون واقعيين شوي، اذا الشب ابن عالم وناس ومحترم وكل الناس بتحكي بسمعته المنيحة بس ما بشتغل ولا معه مصاري ايش الفايدة منه؟

هلقيت عشان الدنيا شتا وفي برد وطبعا الاهبل هو اللي بتزوج بوقت زي هيك لأنه الدنيا برد كتير وتجمّد واحنا لابسين اواعي فما بالكم وهو شالح؟ حتى الدفاية مش راح تكفي. بس شوف الحلاوة وين لما تتجوز في اول الربيع. بكون الاشي صبابا(شوفو عاد انا لوين شطحت) المهم نرجع لموضوعنا-بنروح عالقهوة بستلمونا الناس شباب وشيوخ وصدقوني لو القهوة مختلطة راح اقلكم النساء والاطفال كمان بس ممنوع دخول القهاوي لمن دون سن ال١٨. انا لليوم مش فاهم ايش العبرة بصراحة بس ما علينا. هلقيت بنفوت القهوة وطبعا الكل لابسين خواتم. اشي لابسه باليمين واشي لابسة باليسار ومبسوطين والكل نازل يتباوس (من الخدود طبعا) وبباركو لبعض اللي خطب واللي تجوز. طبعا هادا بعد ما يكون الواحد شبع من مرته او بالاحرى الخاطب بعد كم شهر من خطبته لأنه على قولة المثل “من شاف حبابه نسي صحابه” بس انا لليوم بصراحة مش مستوعب فكرة انه الواحد يغيب عن صحابة فترة طويلة جدا بمجرد انه خطب يعني لا هي البنت طايرة ولا صحابك طايرين بس هدول صحابك يازلمة مش معقول يعني. اما المتجوز بقدرش غير اقول الله يكونلك معين على الاشغال الشاقة-الممتعة اللي انت لسا في اول محكوميتك فيها والله يطلعك سالم غانم وسلّم عالوالد والوالدة كتير السلام.

بس السؤال اللي بطرح نفسه هو انه من وين الناس فجأة بصير معها مصاري تفتح بيوت وتخطب وتتجوز؟ يعني المهر مش قليل وحفلة الخطوبة والملاك والسهرة وعفش البيت والطلعات والنزلات والهدايا والعرس و و و و هادي طبعا المصاريف المعروفة واللي ممكن اي واحد مش مجرّب يحزرها. طبعا وماخفي كان اعظم وياما في خوازيق بس من النوع الفاخر

انا بصراحة مش عارف لوين الدنيا ماخدانا. ولا احنا لوين ريحي بس مش مشكلة مصيرنا نعرف في الاخر. طبعا هلقيت بما انه انا الوحيد الاعزب اللي الناس بتعرفه صار شغل الناس الشاغل هو انهم ينقّوا ع راسي عشان اتزوج. فلان بحاول يقنعني انه الزواج اشي جميل وفلان تاني بقنعني انه الزواج سنة الحياة وفي احلى من انه الواحد يكون متزوج. طبعا هادي امثلة فقط. في ناس جابتها من وجهة نظر دينية وناس اخرى من وجهة نظر دنوينة (فاهمين علي؟)

فبصراحة يعني الاشي محبط. الناس بتفكر انه انا بدّيش اتجوز عشان حاطط عيني ع وحدة وانا ما حاطط عيني ع وحدة. الناس بتفكر انه انا عندي مشكلة لا سمح الله وانه انا قاعد بأخر في الموضوع. والناس مش عارفة ولا فاهمة

في الاخر بحب اقول انه ياريت محدش يتدخل في شئون غيره لانه مش حلوة لو الغير هادا لطشك كلمتين جاب اجلك فيهم فياريت كل واحد يلزم حدوده. وعلى قولة المثل “اللي بعرف بعرف واللي بعرفش بلاش”

Did you like this? Share it:

About Nader Elkhuzundar

Nader Elkhuzundar is a commentator on Palestinian affairs and Co-founder of Beyond Compromise (www.beyondcompromise.com). Elkhuzundar occasionally freelances for The Guardian, International Business Times, and others. He's a social media enthusiast and tech savvy with particular interest in new technologies and analytics, and enjoys reading over Arabic coffee and dark chocolate.
This entry was posted in طيزي وكرسي البلاستيك and tagged , , , , , , , , , , , , , , , , , , , , , , , . Bookmark the permalink.

12 Responses to طيزي وكرسي البلاستيك – الفصل الخامس

  1. I love your blog, You’re good looking too. Kind regards, A PALESTINIAN BABE.

  2. Adham ghazali says:

    Same problem here man. Although my mother noe has a Facebook profile and monitors my activity. Whenever I post a romantic song Orr something she calls
    To check whether I’m in love or not- expressing dislike of course.

  3. Widget says:

    🙂 i like your Arabi writing alot! also WORD!

  4. Michelle says:

    Walla ya Nader, ana ma ba7ib atdakhal w hal7arakat. In kan itjawwazet willa ma tjawwazet, byirja3 ilak w rabna yiwaf2ak. Bas ana barja3 ba2ool: “2uktob iktab” 🙂

  5. suha waheed says:

    nice blog wallah ^_^

  6. Feras says:

    hehehhe walla ya sa7bi wad3i mtl wad3ak w 2s3ab ! lawen ray7in msh 3aref ! w fkret el zawaj ma7eta mn bali 5alas !!!!! ya zalame 7a2 el d5an 3m 2df3o bl zoor ! 3shan 2afta7 bet w 2tzawaj ?! la msh maktobe ya sa7bi 2lna !

Leave a Reply

Your email address will not be published. Required fields are marked *