طيزي وكرسي البلاستيك – تعريف

هادي مقدمة بسيطة بس عن السلسلة بشكل عام وراح يصدر أول مقال منها في وقت قريب ان شاء الله. هادي راح تكون اول مرة راح اكتب فيها بالعربي او بالاحرى بالعامية الغزاوية لعدد من المقالات او التدوينات او اللي بدك يا سميه، اهم ما في الموضوع كله الفكرة والانتفادات البنائة والبنائة فقط مقبولة. غير هيك بتخلي الكلام الك عشان تخليلي مجال اطلع اللي في قلبي وانا وكل الناس نفش غلنا زي العالم والناس

السلسلة هادي يا حبايبي راح تكون بعنوان “طيزي وكرسي البلاستيك”. فكرة السلسلة اجتني وانا قاعد في المحل على كرسي البلاستيك زهقان وقرفان ومش طايق حالي بالمرة. قرفان من الوضع. قرفان من اهلي اللي بضلهم يزنوا فوق راسي اروح ادور على شغل. زهقت لاني كل يوم بطلع على نفس المكان مع نفس الشباب. زهقت من القادة العرب اللي شاطرين بس يستنكري ناهيك عن شعارات الشجذب والاستنكار اللي ما الها اول من اخر. من الكهربا اللي وين ووين لما تيجي. من الشوب. من النت البضين. من حضارة وجوال. من السياسة والمجتمع وكل اشي ممكن ييجي في بالك. حتى من كرسي البلاستيك نفسه.

سلسلة “طيزي وكرسي البلاستيك” راح تكون ساخرة بالدرجة الاولى ومش شرط كل الكلام المكتوب في اي جزء من السلسلة يكون صحيح او يعكس وجهة نظر شخصية. من ورا هادي السلسلة بسعى اني احقق هدفين
١‫)‬ اغير جو عني وعنكم. يعني انا بكتب لما اكون مخنوق من حاجة. وانتو بتقرأو وبتغيرو جو لأنه الكلام المكتوب راح يكون ساخر زي ما حكيت من شوي
٢‫)‬ نسيت ايش كنت راح احكي.

بس مش مشكلة هلقيت سيبوكو منها. المهم انه ننبسط ونغير جو وما نخلي ولا اشي كاتم على نفسنا.

بتمنى تستمتعو بالمقالات الجاية وخلينا نكون بني ادمين زي العالم والناس

Did you like this? Share it:

About Nader Elkhuzundar

Nader Elkhuzundar is a commentator on Palestinian affairs and Co-founder of Beyond Compromise (www.beyondcompromise.com). Elkhuzundar occasionally freelances for The Guardian, International Business Times, and others. He's a social media enthusiast and tech savvy with particular interest in new technologies and analytics, and enjoys reading over Arabic coffee and dark chocolate.
This entry was posted in طيزي وكرسي البلاستيك and tagged , , , , , , , , , , , , , , , , . Bookmark the permalink.

Leave a Reply

Your email address will not be published. Required fields are marked *